Category: ՍԱՂՄՈՍՆԵՐ

Տերը՝ մեր Պաշտպանը

Երգ՝ աստիճաններով բարձրանալիս։

1 Ես բարձրացնում եմ իմ աչքերը դեպի սարերը. որտեղի՞ց պիտի գա իմ օգնությունը։

2 Իմ օգնությունը Տիրոջից է, որ արարեց երկինքն ու երկիրը։

3 Նա չի թողնի, որ քո ոտքը սահի. քո պահապանը չի քնի։

4 Ահա Իսրայելի պահապանը, որ չի ննջելու և չի քնելու։

5 Տերը քո պահապանն է. Տերը քեզ հովանի է քո աջ ձեռքի մոտ։

6 Ցերեկն արեգակը չի զարկելու քեզ, ոչ էլ լուսինը՝ գիշերը։

7 Տերը պիտի պահպանի քեզ ամեն չարից. նա պիտի պահպանի քո անձը։

8 Տերը պիտի պահպանի քո երթուդարձը՝ այսուհետև մինչև հավիտյան։

Երուսաղեմի փառքը

Երգ՝ աստիճաններով բարձրանալիս։ Դավթի (սաղմոս)։

1 Ես ուրախացա, երբ ինձ ասացին. «Տիրոջ տուն գնանք»։

2 Մեր ոտքերը կկանգնեն քո դռների մեջ, ո՛վ Երուսաղեմ։

3 Երուսաղեմը շինված է այնպիսի քաղաքի պես, որը միավորված է.

4 Այնտեղ են բարձրանում ցեղերը, Տիրոջ ցեղերը՝ Իսրայելին տված վկայության համաձայն՝ Տիրոջ անունը գովաբանելու համար։

5 Որովհետև այնտեղ են դրված դատաստանի աթոռները՝ Դավթի տան աթոռները։

6 Խաղաղությո՛ւն խնդրեցեք Երուսաղեմի համար. թող հաջողեն քեզ սիրողները։

7 Թող խաղաղություն լինի քո պարիսպների մեջ, հաջողություն՝ քո պալատներում։

8 Իմ եղբայրների և իմ ընկերների համար ասում եմ. «Թող խաղաղություն լինի քո մեջ»։

9 Հանուն մեր Տեր Աստծու տան բարօրություն եմ ուզում քեզ։

Աղոթք ողորմածության համար

Երգ՝ աստիճաններով բարձրանալիս։

1 Դեպի քեզ եմ բարձրացնում իմ աչքերը, ո՛վ երկնքում բնակվող։

2 Ահա ինչպես ծառաների աչքերընայումեն իրենց տերերի ձեռքին, ինչպես աղախնի աչքերը իր տիկնոջ ձեռքին, այնպես էլ մեր աչքերը՝ մեր Տեր Աստծուն պիտի նայեն, մինչև որ մեզ ողորմի։

3 Ողորմի՛ր մեզ, Տե՛ր, ողորմի՛ր մեզ, որովհետև անարգանքով շատ լցվեցինք։

4 Մեր անձը շատ է լցված գոռոզների նախատինքով և ամբարտավանների անարգանքով։

Աստված՝ ժողովրդի Պահապանը

Երգ՝ աստիճաններով բարձրանալիս։ Դավթի (սաղմոս)։

1 Եթե Տերը մեզ հետ չլիներ,- թող ասի Իսրայելը,-

2 Եթե Տերը մեզ հետ չլիներ, երբ մարդիկ մեզ վրա հարձակվեցին,

3 Ողջ-ողջ կուլ կտային մեզ, երբ նրանց բարկությունը բորբոքված էր մեզ վրա,

4 Եվ ջրերը կթաղեին մեզ, հեղեղը կանցներ մեր անձերի վրայով,

5 Գոռոզ ջրերը կանցնեին մեր անձերի վրայով։

6 Օրհնյա՜լլինիՏերը, որ մեզ որս չդարձրեց նրանց ատամների համար։

7 Մեր անձերը ճնճղուկի պես խույս տվեցին որսորդների որոգայթից. որոգայթը փշրվեց, և մենք ազատվեցինք։

8 Մեր օգնությունը Տիրոջ անվամբ է. նա, որ արարեց երկինքն ու երկիրը։

Աստծու ժողովրդի ապահովությունը

Երգ՝ աստիճաններով բարձրանալիս։

1 Տիրոջ վրա հույս դնողները Սիոն սարի պես են, որը չի սասանվումևմնում է հավիտյան։

2 Ինչպես Երուսաղեմի չորս կողմը սարերկան,այնպես էլ Տերն իր ժողովրդի չորս կողմն է այսուհետև մինչև հավիտյան։

3 Որովհետև ամբարիշտների գավազանը չի մնալու արդարների վիճակի վրա, որպեսզի արդարներն իրենց ձեռքերը չձգեն անօրենության։

4 Տե՛ր, բարի՛ք գործիր նրանց համար, որոնք բարի են և իրենց սրտերով՝ ուղիղ։

5 Բայց նրանց, որ իրենց ծուռ ճանապարհի մեջ են շեղվում, Տերը կորստյան կմատնի անօրենություն գործողների հետ. թող խաղաղությունլինիԻսրայելին։

Աղոթք փրկության համար

Երգ՝ աստիճաններով բարձրանալիս։

1 Երբ Տերը գերությունից Սիոն վերադարձնի, պիտի երազ տեսնողների պես լինենք։

2 Այն ժամանակ մեր բերանը պիտի լցվի ծիծաղով, և մեր լեզուն՝ ցնծությամբ. այն ժամանակ հեթանոսների մեջ պիտի ասեն. «Տերը մեծ բաներ արեց նրանց համար»։

3 Տերը մեծ բաներ արեց մեզ համար, և մենք ուրախացանք։

4 Ո՜վ Տեր, հե՛տ դարձրու մեզ գերությունից, ինչպես առուները հարավի երկրում։

5 Արտասուքով ցանողները ցնծությամբ պիտի հնձեն։

6 Նա, որ գնում և լաց է լինում՝ ցանելու սերմը տանելով, պիտի ցնծությամբ հետ գա՝ բերելով իրցորենիխրձերը։

Աստծու բարության փառքը

Երգ՝ աստիճաններով բարձրանալիս։ Սողոմոնի (սաղմոս)։

1 Եթե Տերը չշինի տունը, զուր են աշխատում նրա շինարարները. եթե Տերը չպահպանի քաղաքը, զուր է անքուն լինում պահապանը։

2 Զուր է ձեզ համար կանուխ վեր կենալը, ուշ հանգստանալը. դուք հացը ցավով եք ուտում. ինչո՞ւ. որովհետև նա իր սիրելիին է քունը տալիս։

3 Ահա որդիները Տիրոջ ժառանգությունն են, և որովայնի պտուղը՝նրավարձը։

4 Ինչպես որ նետերն են զորեղ մարդու ձեռքին, այնպես են երիտասարդ որդիները։

5 Երանի՜ այն մարդուն, որ իր կապարճը լցրեց նրանցով. նրանք պիտի չամաչեն, երբ թշնամիների հետ խոսելու լինեն դռան մեջ։

Տիրոջը հնազանդվողի վարձատրությունը

Երգ՝ աստիճաններով բարձրանալիս։

1 Երանի՜ բոլոր նրանց, որ վախենում են Տիրոջից և գնում են նրա ճանապարհներով։

2 Իհարկե, դու կուտես քո ձեռքի վաստակը. երանի՜ քեզ, որ դա լավ է լինելու քեզ համար։

3 Կինդ պտղաբեր որթի պես կլինի քո տանը, որդիներդ՝ տնկված ձիթենիների պես քո սեղանի չորս կողմը։

4 Ահա հենց այսպես է օրհնվում այն մարդը, որ վախենում է Տիրոջից։

5 Տերը Սիոնից կօրհնի քեզ, և քո կյանքի բոլոր օրերին կտեսնես Երուսաղեմի բարությունը։

6 Քո որդիների որդիներին կտեսնես. խաղաղություն թողլինիԻսրայելին։

Աղոթք Իսրայելի թշնամիների դեմ

Երգ՝ աստիճաններով բարձրանալիս։

1 Թող Իսրայելն ասի.

«Շատ անգամ ինձ նեղացրին իմ մանկությունից.

2 Շատ անգամ ինձ նեղացրին իմ մանկությունից, բայց չհաղթեցին ինձ։

3 Հերկողները հերկեցին իմ թիկունքի վրա և երկար շարեցին իրենց ակոսները»։

4 Տերն արդար է. նա կտրտեց ամբարիշտների պարանները։

5 Ամոթահար կլինեն և ետ կդառնան բոլոր նրանք, ովքեր ատում են Սիոնը։

6 Կտուրի խոտի պես կլինեն, որ չորանում է դեռ չհնձած։

7 Հնձողը նրանից չի լցնում իր ձեռքը, և ոչ էլ խուրձ կապողը՝ իր գիրկը։

8 Եվ անցնողներն էլ չեն ասում. «Տիրոջ օրհնությունը ձեզ վրա լինի, օրհնում ենք ձեզ Տիրոջ անունով»։

Աղոթք օգնության համար

Երգ՝ աստիճաններով բարձրանալիս։

1 Ո՜վ Տեր, խոր տեղերից քեզ եմ կանչում։

2 Ո՜վ Տեր, լսի՛ր իմ ձայնը, թող ականջներդ ուշադիր լինեն իմ աղոթքի ձայնին։

3 Տե՛ր, եթե դու հաշվելու լինես անօրենությունները, ո՞վ կարող է կանգնել քո առջև, ո՜վ Տեր։

4 Որովհետև քեզ մոտ է թողությունը, որ քեզնից վախենան։

5 Ես սպասում եմ Տիրոջը. իմ անձը սպասում է, և ես նրա խոսքին եմ հույսս դրել։

6 Իմ անձըսպասումէ Տիրոջն ավելի, քան առավոտին սպասողները, առավոտին սպասողներից էլ ավելի։

7 Իսրայելը թող հույսը դնի Տիրոջ վրա, որովհետև Տիրոջ մոտ ողորմություն կա, և շատ փրկություն կա նրա մոտ։

8 Նա Իսրայելը կփրկի իր բոլոր անօրենություններից։